ஆபத்தை ஏற்படுத்தும் உயிரினங்கள்

ஆபத்தை ஏற்படுத்தும் உயிரினங்கள்




இந்த பூமிப் பந்தில் எண்ணில் அடங்காத ரம்யமான விடயங்கள் காணப்படுகின்றன. அதேபோன்று தீமைகளும் எண்ணிடலங்காதவை. இதன் அடிப்படையில் மனித வர்க்கத்திற்கும், ஏனைய இயற்கைத் தாவரங்கள் மற்றும் உயிரினங்களுக்கும் ஆபத்தைக் ஏற்படுத்தக் கூடிய உயிரினங்கள் பற்றிய தகவல்கள் கீழே விபரிக்கப்பட்டுள்ளன.
ஏசியன் கார்ப் மீன்




ஏசியன் கார்ப் மீன் வகைகள் மிகவும் ஆபத்தான உயிரினங்களில் ஒன்றாகும். ஒரு மீற்றர் வரையில் நீளமான இந்த மீன் இனங்கள் 45 கிலோ கிராம் வரையில் எடையுடையது. இந்த வகை மீன்கள் சீனாவில் அதிகளவில் காணப்படுகின்றன. ஏசியன் கார்ப் மீன் வகைகள் இயற்கை சமனிலைக்கு குந்தகம் ஏற்படுத்தக் கூடிய சொற்ப விலங்கினங்களில் ஒன்றாகக் குறிப்பிடப்படுகிறது.

இவை உணவுச் சங்கிலியில் தாக்கத்தை ஏற்படுத்தக் கூடியவை என்பது என்பது குறிப்பிடத்தக்கது. ஒரு நாளில் இந்த மீன் வகைகள் தனது உடலின் அரைவாசி எடையுடைய உணவுகளை உட்கொள்கின்றன. ஏசியன் கார்ப் மீன் குடும்பத்தைச் சேர்ந்த சில்வர் கார்ப் மீன் வகைகள் மிகவும் ஆபத்தானவை.

சில்வர் கார்ப் மீன்கள், மீனவர்கள் மீது கொடூரமான தாக்குதல்களை நடத்தக் கூடியவை. நீர்ப்பரப்பிலிருந்து மேலே குதித்து மீனவர்களின் கண்கள், எலும்புகள் உள்ளிட்ட உடல் பாகங்கள் மீது கடுமையான தாக்குதல் நடத்தக் கூடியவை.

எமரல்ட் அஸ் போரர் பூச்சிகள்

எமரல் ஆஸ் போரர் பூச்சிகளும் மிகவும் ஆபத்தான உயிர் அங்கிகளில் ஒன்றாகக் கருதப்படுகின்றது. இந்த வகைப் பூச்சிகள் பாரிய தவாரங்களை குறுகிய நேரத்தில் நாசம் செய்து விடுகின்றன. மரங்களில் துளைகளை ஏற்படுத்தி சேதப்படுத்துகின்றன. 2002ம் ஆண்டு முதல் முதலில் அமெரிக்காவில் இந்த பூச்சி வகை கண்டு பிடிக்கப்பட்டது. இந்த பூச்சிகள் சீனாவை பூர்வீகமாகக் கொண்டவை எனத் தெரிவிக்கப்படுகிறது.

வெற்றிலையிலிருந்து இந்தப் பூச்சிகள் உருவாகின்றன. இந்த பூச்சிகளின் தாக்கத்தினால் பல மில்லியன் கணக்கான மரங்கள் சேதமடைந்துள்ளன. இவற்றினை அழிப்பதற்கு குளவிகளை பயன்படுத்த அமெரிக்கா தீர்மானித்துள்ளது. பூச்சிகள் செறிந்து வாழும் பிரசேதங்களில் 150,000 குளவிகள் பரவவிடப்பட்டு அவற்றை அழிப்பதற்கு நடவடிக்கை எடுக்கப்படும் என அமெரிக்கா அறிவித்துள்ளது.
பன்டாக்கள்

பன்டாக்களை நாம் எமது செல்லப் பிராணிகளாகவே கற்பனை செய்கின்றோம். மிகவும் ஆகர்சமான விலங்கினமாகவே நாம் பான்டாக்களை பார்த்து பழகியுகியுள்ளோம். எனினும் பன்டாக்கள் ஆபத்தானவை.

சார்ள்ஸ் டாவினின் கூர்ப்பு கொள்கைகளுக்கு புறம்பான வகையில் வாழும் ஓர் உயிரினமாகவே பன்டாக்கள் நோக்கப்படுகின்றன. பன்டாக்கள் வாழ்வதற்கோ அல்லது இனத்தை விருத்தி செய்வதற்கோ நாட்டம் காட்டாத விலங்கினங்களாகவே அடையாளப்படுத்தப்படுகின்றது.

எனவே பன்டா உயிரினங்களை பாதுகாப்பதற்கு விஞ்ஞானிகள் முயற்சி மேற்கொள்கின்றனர். மனிதரின் முட்டாள் தனத்தை பன்டாக்கள் பயன்படுத்திக்கொள்கின்றன. பன்டாக்கள் உயிர் பல்வகைமை பேணலுக்கு முரணான விலங்கினங்களில் ஒன்றாகும்.
நாடாப்புழு




நாடர் புழு என்பது மனிதனின் குடலில் உருவாகும் புழு வகையாகும். இந்தப்புழு மிகவும் ஆபத்தான மற்றுமொரு அங்கியாகும். இவை மனிதனை தொடர்ச்சியாக பசியடைச் செய்கின்றது. எவ்வளவு உணவு உட்கொண்டாலும் பசி ஏற்பட்டுக் கொண்டே இருக்கும். இந்தப் புழுக்கள் ஒரு மில்லி மீற்றர் முதல் 15 மீற்றர் வரையில் நீளமாக இருக்கக் கூடும். மனிதரில் மட்டுமன்றி ஏனைய உயிரினங்களையும் இந்த நாடாப் புழுக்கள் தாக்கக்கூடும்.

மலம் கழிக்கும் போது இந்தப் புழுக்கள் வெளியாகும் வரையில் சில இந்த நோய்க்கான அறிகுறியை உணர மாட்டார்கள். மருந்து மாத்திரைகளின் மூலம் இந்த நோயைக் குணப்படுத்த முடியும்.
வெட்டுக்கிளி




பெரிய வெட்டுக்கிகள் மிகவும் ஆபத்தான உயிரினங்களில் ஒன்றாகக் கருதப்படுகின்றது. இவை குறுகிய காலத்தில் பாரியளவில் இனவிருத்தி செய்யக்கூடியவை. பல நூறு மைல்கள் பயணிக்கக் கூடிய இவை, பயிர்ச்செய்கை நாசப்படுத்தக் கூடியன.

வெட்டுக்கிளி தொல்லையிலிருந்து மீள்வது இன்னமும் நெருக்கடியாகவே காணப்படுகின்றது. வெட்டுக்கிளிகளை உணவாக உட்கொள்ளவும் முடியும்.
செட்சி வகை ஈ

செட்சிவ வகை ஈக்கள் ஆபத்தானவை. இந்த வகை ஈக்கள் உலகின் சகல கண்டங்களிலும் காணப்படுகின்றன. மனிதர்களின் உறக்கம் தொடர்பான நோய்களை இந்த ஈக்கள் ஏற்படுத்துகின்றன.

ஆபிரிக்க கண்டத்தில் இந்த வகை ஈக்கள் அதிகமாகக் காணப்படுகின்றன. காய்ச்சல், தூக்கமின்மை உள்ளிட்ட பல்வேறு நோய்களை இந்த வகை ஈக்கள் ஏற்படுத்துகின்றன. உரிய சிகிச்சை அளிக்கப்படாவிட்டால் உயிராபத்தை ஏற்படுத்தும்.
எலிகள்




14ம் நூற்றாண்டில் எலிகளினால் ஏற்பட்ட கொள்ளை நோய் பேரழிவை ஏற்படுத்தியிருந்தது. 1347 – 13451ம் ஆண்டு வரையில் கொள்ளை நோய் உலகில் பெரும் பாதிப்பை ஏற்படுத்தியிருந்தது.

ஐரோப்பாவின் மூன்றில் இரண்டு சனத்தொகை கொள்ளை நோயினால் அழிவடைந்ததாக புள்ளி விபரத் தரவுகள் சுட்டிக்காட்டுகின்றன. 200 ஆண்டுகளில் சுமா ஓரு மில்லியன் மக்கள் உலகம் முழுவதிலும் கொல்லப்பட்டனர்.
மனிதர்கள்

குரோதம், காழ்ப்புணர்ச்சி, பொறாமை போன்ற குணங்களை கொண்ட மனிதர்கள் யுத்தக் குற்றச் செயல்கள், அணுவாயுத பயன்பாடு, தீவிரவாதம், ஜாதிச் சண்டை, மதச் சண்டை என பல்வேறு வழிகளில் சொந்த இனத்தை கொன்று குவித்து வருகின்றனர். ஹோமோ சேப்பியன் மனிதர்கள் இந்த உலகிற்கு பேராபத்தை ஏற்படுத்தி வருகின்றனர்.

கொலைகள் பாலியல் பலாத்காரம் சித்திரவதை உள்ளிட்ட பல்வேறு குற்றச் செயல்களினால் உலகத்தை கொலைக்கமாக மனிதர்கள் மாற்றியுள்ளனர். மனிதன் தனது இனத்துக்கு மட்டுமன்றி இயற்;கைக்கும் ஏனயை விலங்கினங்களுக்கும்; அழிவைத் தேடி தருகின்றான்.
மூட்டைப் பூச்சி


மூட்டைப் பூச்சிகளினால் உயிராபத்து கிடையாது என்ற போதிலும் இவை மிகவும் ஆபத்தானவை. மூட்டைப் பூச்சிகள் கடிப்பதனால் பல்வேறு நோய்கள் ஏற்படுகின்றன.

மூட்டைப் பூச்சிகள் விரைவில் பரவுவதனால் பெரும் பாதிப்புக்கள் ஏற்படுகின்றன. சிறிய பூச்சிகள் என்ற போதிலும் மனிதனின் இரத்தத்தை உரிஞ்சிக் குடிக்கும் திறன் கொண்டவை.

நன்றி: வணக்கம்.