ஆறு செக்கனுக்குள் திடீரெனத் தோன்றிய பாரிய குழியில் வீழ்ந்த லொறி! (பட இணைப்பு)

ஆறு செக்கனுக்குள் திடீரெனத் தோன்றிய பாரிய குழியில் வீழ்ந்த லொறி! (பட இணைப்பு)

[You must be registered and logged in to see this link.] [You must be registered and logged in to see this image.]சீனாவின் கிழக்குப் பகுதியில் ஜிலின் மாகாணத்தின் தலைநகரான சேன்ச்சூன் நகரத்தில் வீதியில் ஏற்பட்டிருந்த சாதாரண வெடிப்பின் மீது ஒரு லொறி பயணம் செய்தபோது திடீரென அந்த வெடிப்புப் பகுதி இடிந்து வீழ்ந்து ஒரு பாரிய குழியாக மாறி அந்த லொறியும் அதே குழிக்குள் வீழ்ந்து விட்டது.

எல்லாமே ஆறு நொடிகளுக்குள் நடந்து முடிந்து விட்டன. இது எப்படி நடந்தது என்று அதிகாரிகள் இப்போது திகைத்துப் போயுள்ளனர்.

அதிகாலை வேளையில் இந்தச் சம்பவம் இடம்பெற்றுள்ளது. இந்த லொறியில் இருந்த இருவரும் காயமுற்றுள்ளனர்.

ஆனால் அவர்களின் காயங்கள் எந்தளவு மோசமானவை என்று விவரங்கள் எதுவும் தெரிவிக்கப் படவில்லை. சம்பவம் நடந்தபோது லொறியில் உருக்குக் குழாய்கள் இருந்ததாகவும், லொறியில் அதிக பாரம் காணப்பட்டதாகவும் தெரிவிக்கப்பட்டுள்ளது.

சீனாவில் ஒவ்வொரு வருடமும் இது போன்ற நூற்றுக்கணக்கான மோசமான விபத்துக்கள் இடம்பெறுகின்றன. உலகிலேயே வாகனங்களை ஓட்டுவதற்கு மிகவும் ஆபத்தான இடம் சீனா என்று குறிப்பிடப் படுகின்றது.

போக்குவரத்து விபத்துக்களால் சீனாவில் வருடாந்தம் சுமார் ஒரு லட்சம் மரணங்கள் சம்பவிப்பதாகவும் தெரியவந்துள்ளது.

[You must be registered and logged in to see this image.]