எலிகளின் உடம்பில் செயற்கை கல்லீரல் பொருத்தி மருத்துவர்கள் சாதனை

Admin Posts : 875 Join date : 22/04/2011

எலிகளின் உடம்பில் செயற்கை கல்லீரல் பொருத்தி மருத்துவர்கள் சாதனை

உலகம் முழுவதும் புதிது புதிதாக நோய்கள் உருவாகி மக்களை அச்சுறுத்தி வருகின்றன. அதே நேரத்தில் இவற்றுக்கு மருந்து கண்டுபிடிக்கும் பணியும் நடக்கிறது.
பொதுவாக புதிய மருந்துகள் எலிகளை கொண்டே பரிசோதிக்கப்படுவது வழக்கம். அதில் கிடைக்கும் வெற்றி, தோல்வியை பொறுத்தே மனிதர்களிடம் ஆய்வு மேற்கொள்ளப்படும்.
இந்நிலையில் இத்தகைய ஆய்வுகளுக்கு உட்படுத்தும் எலிகளுக்கு மனித செல்களை கொண்டு உருவாக்கப்பட்ட கல்லீரல் பொருத்தி புதிய மருந்துகளின் சோதனை மேற்கொள்ளப்பட்டுள்ளது.
இந்த முறையில் மருந்துகள் குறித்த தரம் உடனடியாகவும் துல்லியமாகவும் தெரியவரும் என்கின்றனர் ஆராய்ச்சியாளர்கள். இந்த முறையால் நோய்களுக்கு தீர்வுகாண விரைவில் மருந்து கிடைக்க ஏதுவாகும் என்பதும் மருத்துவ ஆராய்ச்சியாளர்களின் நம்பிக்கை.
ஆலிஸ் சென் தலைமையில் அமெரிக்காவின் மசாசூசெட்ஸ் மருத்துவ பல்கலைக்கழக மருத்துவ ஆராய்ச்சியாளர்களின் சாதனை இது.
இது குறித்து வெளியாகி உள்ள தகவல் பின்வருமாறு: புதிய மருந்து சோதனைக்காக ஹெபடோசைடஸ் என்ற மனித செல்கள் மற்றும் எலிகளின் தோலில் காணப்படும் செல்களை கொண்டு செயற்கையாக உருவாக்கப்பட்ட கல்லீரல் எலிக்கு பொருத்தப்பட்டுள்ளது.
இவற்றின் செயல்பாடுகள் மனித கல்லீரலைப் போன்று இருப்பது உறுதி செய்யப்பட்ட பின்னர் புதிய மருந்து பரிசோதனை மேற்கொள்ளப்பட்டுள்ளது.
மரபணுக்கள் குறித்த மருத்துவ ஆய்வுகளுக்கும் இது பேருதவியாக இருக்கும். இதுவரை மேற்கொள்ளப்பட்ட இத்தகைய முயற்சிகளில் எதிர்பார்த்த வெற்றி கிட்டவில்லை என்பது குறிப்பிடத்தக்கது.

» எலியின் ஸ்டெம் செல் மூலம் மாரடைப்புக்கு சிகிச்சை: மருத்துவர்கள் சாதனை
» இதய மற்றும் பக்கவாத நோய்களை குறைக்கும் மாத்திரைகளை கண்டுபிடித்து மருத்துவர்கள் சாதனை
» உளவு பார்க்கும் செயற்கை பூச்சிகள்
» பார்வை இழப்பை ஆதார செல்கள் மூலம் சரிசெய்யலாம்: மருத்துவர்கள் தகவல்
» கடல் தாவரத்திலிருந்து உப்பு தயாரித்து ஆராய்ச்சியாளர்கள் சாதனை