படங்களுக்கு எழுத்துகள், வாட்டர்மார்க், பார்டர் சேர்க்க உதவும் மென்பொருள் BorderMaker

படங்களுக்கு எழுத்துகள், வாட்டர்மார்க், பார்டர் சேர்க்க உதவும் மென்பொருள் BorderMaker




கணிணியில் வைத்திருக்கும் ஓளிப்படங்களை அழகாக மாற்ற அல்லது வேறு எதேனும் எழுத்துகள் சேர்க்க நாம் போட்டோசாப் மென்பொருளை நாட வேண்டியிருக்கும். ஆனால் போட்டோசாப் மென்பொருள் நமக்கு உபயோகப்படுத்த தெரியவில்லை எனில் ஒன்றும் செய்ய முடியாது. இந்த வகையில் புகைப்படங்களை விரும்பியபடி மாற்றவும் அதிகப்படியான வேலைகளைச் செய்யவும் BorderMaker என்ற மென்பொருள் உதவுகிறது.

இந்த மென்பொருள் மூலம் படங்களுக்கு பார்டர் சேர்ப்பது, படங்களின் இடையில் எழுத்துகள் சேர்ப்பது, வாட்டர்மார்க் சேர்ப்பது, சுழற்றுவது போன்ற வேலைகளை எளிதாகச் செய்யலாம். படங்களின் வகைகளையும் மாற்றலாம். மேலும் வண்ண அளவுகள் மாற்றி படங்களின் வண்ணத்தைத் திருத்தலாம். இந்த மென்பொருளில் ஒரே நேரத்தில் பல படங்களை எடிட் செய்ய முடியும். எடிட் செய்த படங்களை நேரடியாக இணையத்தில் FTP சர்வரில் சேர்க்கவும் முடியும்.

ஒரே நேரத்தில் பல படங்களைக் கையாள முடிவதால் சிறு வணிக நிறுவனங்களுக்கும் தனிநபர்களுக்கும் தங்களது பெயரை வாட்டர்மார்க் அல்லது காப்பிரைட் பெயரைப் படங்களில் எளிதாகச் சேர்த்துக் கொள்ளலாம். மேலும் நாம் கேமரா மூலம் எடுக்கும் படங்களில் திருத்தம் செய்யவும் தேதிகளையும் சேர்த்துக் கொள்ளலாம். தேதியைச் சேர்ப்பதன் மூலம் படம் எப்போது எடுக்கப்பட்டது என்ற விவரம் எளிதாக தெரிந்து கொள்ளலாம்.

இந்த மென்பொருளை நிறுவி நுழைந்ததும் Source என்ற மெனுவில் உங்கள் புகைப்படங்கள் இருக்கும் போல்டரைத் தேர்வு செய்யவும். அடுத்து Settings மெனுவில் நீளம், அகலம் எவ்வளவு இருக்க வேண்டும் என வைத்து விட்டு படங்களை வெட்டுவதாக இருந்தால் Resize இல் மாற்றிக் கொள்ளலாம்.



Text என்ற டேபில் எதாவது சொற்கள் சேர்க்க இருந்தால் சேர்த்துக் கொள்ளலாம். பார்டர் வேண்டுமெனில் குறிப்பிட்ட படங்களைச் சேர்த்து பார்டரின் அளவு எவ்வளவு என்று கொடுக்கவும். பார்டரின் நிறத்தையும் தேர்வு செய்யலாம்.



வாட்டர்மார்க் பகுதியில் கம்பெனி பெயரோ அல்லது லோகோ வரவேண்டுமெனில் அதனைச் சேர்த்து விட்டு உங்களுக்கு வேண்டிய பார்மேட்டைத் தேர்வு செய்யலாம் (Jpg,Png)



இறுதியாக Destination என்ற இடத்தில் மாற்றப்பட்ட படங்கள் எந்த போல்டரில் வேண்டுமோ அதைக் கொடுத்து விட்டு process செய்தால் போதும். விரைவான நேரத்தில் நீங்கள் விரும்பியவாறு படங்கள் கிடைக்கும். இந்த மென்பொருளைக் கொண்டு ஒளிப்படங்களை வேண்டிய வகையில் மாற்றிக் கொள்ளலாம்.



தரவிறக்கச்சுட்டி: [You must be registered and logged in to see this link.]

நன்றி: வணக்கம்.