பசிபிக் கடல் படுகையில் அரிய வகை தாதுக்கள் கண்டுபிடிப்பு

Admin Posts : 875 Join date : 22/04/2011

பசிபிக் கடல் படுகையில் பூமியின் அரிய வகை தாதுக்கள் இருப்பதை ஜப்பான் ஆராய்ச்சியாளர்கள் கண்டுபிடித்து உள்ளனர்.
நவீன உயர் தொழில்நுட்ப சாதனங்களை கொண்டு அவர்கள் இதனை கண்டுபிடித்து உள்ளனர்.
ஜப்பான் புவியியல் ஆய்வாளர்கள் ஆய்வு செய்ததில் ஒரு லட்சம் கோடி டன் அரிய வகை தாதுக்கள் பசிபிக் கடலின் தரை தள களிமண் பகுதியில் இருப்பது தெரியவந்தது. இந்த பசிபிக் ஆராய்ச்சி சீனாவின் ஆதிக்கத்திற்கு சவால் தருவதாக இருக்கும் என ஆய்வாளர்கள் கூறினர்.
டோக்யோ பல்கலைகழகத்தின் புவி அறிவியல் இணை பேராசிரியர் யஷீ ஹிரோகடோ தலைமையில் நடந்த ஆய்வில் அரிய தாது வளம் கண்டறியப்பட்டு உள்ளது. அரிய வகை தாதுக்கள் கடல் தளத்தின் 3500 முதல் 6000 மீற்றர் ஆழத்தில் உள்ளதாக ஆய்வாளர்கள் குறிப்பிடுகின்றனர்.
ஏறக்குறைய 11 ஆயிரத்து 500 அடி முதல் 20 ஆயிரம் அடி ஆழத்தில் இந்த தாது வளம் உள்ளது. அரிய வகை எட்ரியம் போன்ற உலோகங்கள் உள்ளன.
சர்வதேச கடல் நீர்ப்பகுதியிலும் ஹவாயின் கிழக்கு மேற்கு பகுதியிலும் பிரெஞ்சு பாலினேசியாவின் தகிதி ஆகிய பகுதிகளிலும் இந்த தாது வளம் உள்ளது.